Leanaimid orainn ag déanamh infheistíocht mhór inár líonra luchtaithe EV agus tá sé mar aidhm againn líon na bpointí luchtaithe a mhéadú faoi dhó go 3,000 ar fud oileán na hÉireann faoi 2030.
Tá 31 mol luchtaithe ardchumhachta tógtha againn le tamall anuas agus tá 6 cinn eile á dtógáil faoi láthair, rud a thugann saoirse do thiománaithe chun dul níos faide.
Táimid ag réiteach an bhealaigh chun todhchaí saor ó charbóin a chur ar fáil do chách tríd an gcur chuige oscailte, nuálach atá againn a chur i bhfeidhm agus trína bheith ag comhoibriú lenár gcomhpháirtithe.
Tar ag obair linn in ESB chun todhchaí Saor ó Charbóin a thógáil. Tóg céim mhór chun tosaigh i do ghairm. Glac seasamh agus cabhraigh linn athruithe inbhuanaithe a chur i bhfeidhm atá bunaithe ar an bhfreagracht shóisialta.
Le beagnach 100 bliain anuas, tá ár gcumas agus ár saineolas curtha i bhfeidhm againn chun réitigh fuinnimh chliste agus inbhuanaithe a fhorbairt.
Tuilleadh Eolais
Tá ESB ag infheistiú san oideachas eolaíochta, teicneolaíochta, innealtóireachta agus matamaitice d’fhonn na scileanna a fhorbairt a bheidh ag teastáil le dul i ngleic le fadhbanna fuinnimh an lae inniu agus sa todhchaí.
Leagan ár straitéis ‘Driven to Make a Difference: Net Zero by 2040’ amach treochlár soiléir chun glanastaíochtaí nialasacha a bhaint amach.
CORCAIGH, an 2 Meitheamh 2023: I mbeart suntasach, tá ESB, príomhchuideachta fóntais na hÉireann, agus Ørsted, ceannródaí an domhain i gcúrsaí gaoithe amach ón gcósta, tar éis comhaontú a shíniú chun punann gaoithe amach ó chósta na hÉireann a fhorbairt i gcomhpháirt.
Sheol an tAire Fiontar, Trádála agus Fostaíochta, Simon Coveney TD, Jim Dollard de chuid ESB, agus Duncan Clark, Ceannaire na Ríochta Aontaithe agus na hÉireann in Ørsted an comhaontú maidin inniu i dTeach Mhic Gearailt i gComhlachas Tráchtála Chorcaí.
Faoin gcomhaontú seo, arb é an chomhpháirtíocht is uaillmhianaí in Éirinn go dtí seo, beidh Ørsted ina chomhpháirtí 50/50 i sraith de thionscadail forbartha gaoithe amach ó chósta na hÉireann. Tá d’acmhainn ag an gcomhpháirtíocht suas le cúig ghigeavata (GW) d'fhuinneamh in-athnuaite agus tionscadail chomhlántacha hidrigine in-athnuaite a chur ar fáil, agus táthar ag súil leis go mbeidh an chéad cheann de na tionscadail giniúna gaoithe amach ón gcósta sin san iomaíocht sa chéad cheant eile in Éirinn, ORESS 2.1.
Agus limistéar muirí níos mó ná deich n-uaire níos mó ná méid a talún, tá Éire i riocht maith chun earnáil láidir agus bríomhar amach ón gcósta a fhorbairt, rud a chabhróidh chun dícharbónú a dhéanamh ar chóras leictreachais na hÉireann agus le heaspórtálacha fuinnimh in-athnuaite chuig an Eoraip amach anseo a chumasú. Mar chuid den chomhpháirtíocht, tá comhaontú ann freisin na deiseanna ón hidrigin in-athnuaite a tháirgtear ó na tionscadail mhóra seo a iniúchadh san fhadtéarma. Tá sé mar aidhm ag an gcomhaontú cabhrú chun sprioc 2030 Rialtas na hÉireann a bhaint amach maidir le 7 GW de ghaoth amach ón gcósta a shuiteáil agus, ar deireadh thiar, tacaíocht a thabhairt d’aistriú na hÉireann go tír atá neodrach ó thaobh carbóin de.
Chuir an tAire Fiontar, Trádála agus Fostaíochta, Simon Coveney TD fáilte roimh an gcomhpháirtíocht mar seo a leanas: “Tá Rialtas na hÉireann tiomanta d'earnáil láidir gaoithe amach ón gcósta a fhorbairt, rud a sholáthróidh go leor fuinnimh in-athnuaite atá glan agus slán dúinn. Táimid tar éis Plean Gníomhaithe uaillmhianach ar son na hAeráide a shíniú ina dhlí, lena n-áirítear sprioc 5 GW gaoithe amach ón gcósta a bhaint amach faoi 2030, chomh maith le sprioc 80% dár leictreachas a ghiniúint ó fhoinsí in-athnuaite. Tabharfaidh Straitéis Náisiúnta Tionscail mo roinne féin maidir le Gaoth Amach ón gCósta tacaíocht bhreise do na spriocanna sin. Is dearbhú láidir muiníne é fógra an lae inniu i dtodhchaí inbhuanaithe na hÉireann agus is garsprioc thábhachtach é maidir le córas nua fuinnimh dúchasach atá slán, inacmhainne agus glan a fhorbairt.”
Dúirt Jim Dollard, Stiúrthóir Feidhmiúcháin ESB, Giniúint & Trádáil “Le blianta beaga anuas, tá an-chuid saineolais bailithe ag ESB sa tionscal gaoithe amach ón gcósta, ag dul i gcomhpháirtíocht le cuideachtaí fuinnimh ceannródaíocha i dtionscadail mhóra chun lorg suntasach a fhorbairt amach ón gcósta ar fud na hÉireann agus na Breataine Móire.”
Lean sé ar aghaidh: “Tá sraith mhór de thionscadail fuinnimh in-athnuaite á forbairt ag ESB, agus mar chuid de sin, tá punann láidir tionscadal gaoithe amach ón gcósta forbartha aige timpeall chóstaí na hÉireann. Tá ríméad orainn dul i gcomhpháirtíocht le Ørsted, ceannródaí domhanda sa tionscal gaoithe amach ón gcósta, chun an phunann seo a fhorbairt in Éirinn. Beidh ról lárnach ag gaoth amach ón gcósta in Éirinn ó thaobh Straitéis ESB, Tiomanta chun Difríocht a Dhéanamh – Neodracht Carbóin faoi 2040, agus is céim thábhachtach san aistear sin é fógra na comhpháirtíochta seo le Ørsted.”
De réir Duncan Clark, Leas-Uachtarán Sinsearach agus Ceannaire na Ríochta Aontaithe agus na hÉireann in Ørsted:
“Agus punann láidir ar tír i bhfeidhm cheana féin in Éirinn, tá lúcháir orainn tús a chur lenár dturas ar an margadh amach ón gcósta in Éirinn le ESB, an chuideachta a thug leictreachas go hÉirinn agus atá ar thús cadhnaíochta sa lá atá inniu ann ar an mbealach i dtreo na neodrachta ó thaobh carbóin de.”
Lean sé air: “Leis an gcomhpháirtíocht seo, tugtar le chéile láidreachtaí comhlántacha a bhaineann le forbairt sa mhargadh seo agus cruthaíonn sí ardán iontach do Ørsted chun a shaineolas domhanda i soláthar gaoithe amach ón gcósta a thabhairt chun feidhme in Éirinn. Ón chéad tuirbín amach ón gcósta ar domhan sa Danmhairg i 1991 go dtí an fheirm ghaoithe amach ón gcósta is mó ar domhan, Hornsea 2 sa RA, tá Ørsted ina mhórspreagadh i ndáil leis an tionscail gaoithe amach ón gcósta ar fud na hEorpa, san Áise, agus i Meiriceá a thráchtálú mar chuid dár bhfís chun domhan a chruthú a ritheann ar fhuinneamh glas, agus ar fhuinneamh glas amháin.”
CRÍOCH/
Eolas faoi Ørsted
Is é fís Ørsted ná domhan atá á rith ar fhuinneamh glas, agus ar fhuinneamh glas amháin. Forbraíonn, tógann agus oibríonn Ørsted feirmeacha gaoithe amach ón gcósta agus ar an gcladach, feirmeacha gréine, saoráidí stórála fuinnimh, saoráidí hidrigin in-athnuaite agus breoslaí glasa, agus gléasraí bithfhuinnimh. Aithnítear Ørsted ar Liosta A um Athrú Aeráide den Phlean Forbraíochta um Chumas mar cheannaire domhanda ar ghníomhaíocht aeráide agus ba í an chéad chuideachta fuinnimh ar domhan a ndearna an tionscnamh Spriocanna Bunaithe ar an Eolaíocht (SBTi) a sprioc astaíochtaí glan-nialais eolaíocht-bhunaithe a bhailíochtú. Tá ceanncheathrú Ørsted sa Danmhairg agus tá thart ar 8,000 duine fostaithe ann. Tá scaireanna Ørsted liostaithe ar Nasdaq Copenhagen (Orsted). In 2022, ba é DKK 132.3 billiún (EUR 17.8 billiún) ioncam an ghrúpa.
Eolas faoi ESB
Tá Bord Soláthair an Leictreachais (ESB) ar an gcuideachta fuinnimh is mó le rá in Éirinn ó bunaíodh é i 1927, agus é á thiomáint ag tiomantas daingean don tsochaí a chumhachtú chun cinn agus todhchaí glan nialasach a sheachadadh dár gcustaiméirí agus do na pobail ar a bhfreastalaímid.
Leagtar amach sa straitéis ‘Tiomanta ó thaobh Difear a Dhéanamh: Neodracht Carbóin faoi 2040’, arna seoladh in 2022, treochlár soiléir do ESBun glanastaíochtaí nialasacha a bhaint amach faoi 2040. Gealltar sa straitéis chomh maith go gcloífidh ESB le Sprioc Bunaithe ar an Eolaíocht le haghaidh 2030 le deimhniú a thabhairt go bhfuilimid ag obair ar ár n-oibríochtaí a dhícharbónú ar luas agus ar scála cuí.
Mar fhóntas láidir éagsúlaithe, oibríonn ESB ar fud mhargadh an leictreachais, ó ghiniúint trí tharchur agus dáileadh, go soláthar custaiméirí chomh maith lenár líonraí a úsáid chun snáthoptaic a iompar le haghaidh teileachumarsáide. Is príomhfhóntas Éireannach é ESB le bonn sócmhainne rialáilte de thart ar €12.0 billiún (ina bhfuil ESB Networks ar fiú €9.7 billiún é agus NIE Networks ar fiú €2.3 billiún é), sciar 30% den ghiniúint sa mhargadh uile-oileáin agus gnólachtaí soláthair leictreachais agus gáis do níos mó ná 2 mhilliún cuntas custaiméara ar fud oileán na hÉireann agus na Breataine Móire.
Amhail an 31 Nollaig 2022, bhí breis agus 8,000 duine fostaithe ag Grúpa ESB.
